புதினா சாதம் என்றாலே அனைவருக்கும் மிகவும் பிடிக்கும்.புதினா சாதத்தில் மருத்துவக்குணங்கள் நிறைந்து காணப்படுகிறது. வயிறு சார்ந்த பிரச்சகளை அனைத்தையும் இந்த புதினா சாதம் விரட்டியடிக்கும். குழந்தைகள் முதல் பெரியவர்கள் வரை அனைவரும் விரும்பி சாப்பிடக்கூடிய புதினா சாதத்தைச் செய்யும் முறையைக் காணலாம்.
புதினா சாதம்
தேவையானபொருட்கள்
புதினா – ஒரு கிண்ணம்
புளி சிறிதளவு
பச்சைமிளகாய் -2
இஞ்சி -இரண்டு துண்டு
தாளிக்க தேவையானபொருட்கள்
எண்ணெய் -ஒரு தேக்கரண்டி
கடுகு- ஒரு தேக்கரண்டி
உளுத்தம் பருப்பு-ஒரு தேக்கரண்டி
காய்ந்த மிளகாய் -2
முந்திரி பருப்பு -10
உப்பு தேவையான அளவு
புதினா சாதம் செய்யும் முறை
ஒரு மிக்சியில் புதினாவைச் சேர்க்கவும் .அதனுடன் சிறிதளவு புளி சேர்க்கவும். பிறகு, இரண்டு துண்டு இஞ்சி மற்றும் இரண்டு காய்ந்த மிளகாய் சேர்த்து அரைத்து வைக்கவும். பின்னர், ஒரு கடாயில் ஒரு தேக்கரண்டி எண்ணைய் சேர்க்கவும். எண்ணைய் காய்ந்தப்பிறகு ஒரு தேக்கரண்டி கடுகு, ஒரு ஒரு தேக்கரண்டி உளுத்தம் பருப்பு, அதனுடன் இரண்டு காய்ந்த மிளகாய் சேர்த்து வறுக்கவும்.
பிறகு அதனுடன் முந்திரியை சேர்த்து வறுக்கவும். பின்பு அதனுடன் அரைத்த புதினா விழுதை சேர்த்து வதக்கவும். வதக்கிய பிறகு அதனுடன் வேகவைத்த சாதத்தை சேர்த்து தேவையான அளவு உப்பு சேர்த்து மெதுவாக கிளறவும். சுவையான புதினா சாதம் தயார்.
சுவையான புதினா சட்னி செய்யும் முறை…-pudina chutney in tamil
புதினா சட்னி அனைவரும் விரும்பி சாப்பிடக்கூடிய சட்னியாகும். மிகவும் சுவையான இந்த சட்னியில் சத்துகள் நிறைந்து காணப்படுகிறது. புதினா சட்னி செய்யும் முறையைக் காணலாம்.
புதினா சட்னி – pudina chutney in tamil
தேவையானபொருட்கள்
உளுத்தம் பருப்பு –ஒரு தேக்கரண்டி,
சின்ன வெங்காயம் – 15
பூண்டு பற்கள் – 4
இஞ்சி – 2 துண்டு
பச்சை மிளகாய் – 5
காய்ந்த மிளகாய் – மூன்று
புதினா – இரண்டு கைப்பிடி
மல்லி – ஒரு கைப்பிடி
தேங்காய் துருவல் – ஒரு கிண்ணம்
புளி – சிறிய நெல்லிக்காய் அளவு
உப்பு – தேவையான அளவு
கட்டி பெருங்காயம் – ஒரு துண்டு
தாளிக்கதேவையானபொருட்கள்
கடுகு – அரை தேக்கரண்டி
உளுந்து – அரை தேக்கரண்டி
வர மிளகாய் – 1
கறிவேப்பிலை – ஒரு கொத்து
புதினா சட்னி செய்யும் முறை
ஒரு வாணலை எடுத்து வைத்துக் கொள்ளுங்கள். அதில் ஒரு துண்டு கட்டி பெருங்காயத்தை சேர்த்து பொரிக்க வேண்டும். பொரிந்த பெருங்காயத்தை தனியாக ஒரு தட்டில் எடுத்து வைத்துக் கொள்ள வேண்டும். அதே வாணலில் கொஞ்சம் எண்ணெய் விட்டு ஒரு தேக்கரண்டி அளவிற்கு உளுத்தம் பருப்பு சேர்த்து வதக்க வேண்டும்.
புதினா சட்னிக்கு உளுத்தம் பருப்பு அதிகம் சுவையாக இருக்கும். உளுந்து பொன்னிறமாக மாறியதும தனியாக எடுத்து வைத்துக் கொள்ள வேண்டும். பிறகு அதே வாணலில் கொஞ்சம் எண்ணெய் விட்டு சின்ன வெங்காயத்தை சேர்த்து வதக்க வேண்டும். சின்ன வெங்காயம் சேர்க்கும் பொழுது புதினா சட்னி ருசி தரும்.
இதனுடன் பூண்டு பற்களை சேர்த்து வதக்க வேண்டும். வெங்காயம் மற்றும் பூண்டு நன்கு வதங்கிய பிறகு , இரண்டு துண்டு அளவிற்கு இஞ்சியை சேர்த்து வதக்க வேண்டும். பின்னர், பச்சை மிளகாய் மற்றும் காய்ந்த மிளகாய் ஆகியவற்றை சேர்த்து வதக்க வேண்டும். இவை நன்கு வறுபட்டதும் நன்கு சுத்தம் செய்து வைத்துள்ள புதினா இலைகளை சேர்த்துக் கொள்ள வேண்டும்.
அதே அளவிற்கு ஒரு கைப்பிடி மல்லி தழைகளை சேர்க்க வேண்டும். இவை நன்றாக வதக்க வேண்டும். பிறகு ஒரு கப் அளவிற்கு தேங்காய் துருவலை சேர்த்துக் கொள்ள வேண்டும். தேங்காய் நன்கு வறுபட்டதும் அடுப்பை அணைத்து ஆற வைக்க வேண்டும். இவை நன்கு ஆறியதும் மிக்ஸி ஜாரில், அவற்றை போட்டுக்கொள்ள வேண்டும்.
தேவையான அளவிற்கு உப்பு போட்டுக்கொள்ள வேண்டும். சிறிய அளவு புளியை அதனுடன் சேர்த்துக் கொள்ள வேண்டும். பின்னர் பொரித்து வைத்துள்ள கட்டி பெருங்காயம் மற்றும் உளுந்தம் பருப்பையும் அரைத்து எடுத்துக்கொள்ள வேண்டும்.
தேவையான அளவிற்கு எண்ணெய் விட்டு எண்ணெய் நன்கு காய்ந்ததும் கடுகு, உளுத்தம்பருப்பு, கறிவேப்பிலை, வர மிளகாய் ஆகியவற்றை தாளித்து புதினா சட்னியுடன் சேர்த்துக்கொள்ளவும். சுவையான புதினா சட்னி தயார்.
முகப்பொலிவு பெற இந்த மூன்று பொருட்கள் போதும்… பத்தே நொடியில் முகமானது பொலிவு பெறும்…- Mugam polivu pera
Mugam polivu pera-அனைவரும் பொலிவான முகத்தையே விரும்புகின்றனர். அதற்கான பல முயற்சிகளை மேற்கொண்டும் பயன் இல்லாமல் அவதிப்படுகின்றனர். வெயிலில் அலைவதாலும், முகப்பருக்களின் வடுக்களாலும் முகமானது தனது பொலிவை இழக்கிறது.
முகமானது பொலிவைப் பெற இந்த மூன்று பொருட்கள் போதும்… பத்தே நொடியில் முகமானது பொலிவைப் பெறும்.
முகப்பொலிவு பெற
தேவையான பொருட்கள்
மஞ்சள் தூள் -இரண்டு தேக்கரண்டி
பால்- ஒரு தேக்கரண்டி
தேன்-ஒரு தேக்கரண்டி
செய்முறை
ஒரு காய்ந்த பாத்திரத்தில் மஞ்சள் தூளை இரண்டு தேக்கரண்டி கொட்டிக்கொள்ளவும். மஞ்சள் தூளை நன்றாக பொன்னிறமாக வரும் வரை வறுத்துக்கொள்ளவும். மஞ்சள் தூளை வறுத்தப்பிறகு, அதனை ஒரு பாத்திரத்தில் கொட்டிக்கொள்ளவும்.
வறுத்த மஞ்சள் தூளுடன் ஒரு தேக்கரண்டி பாலை ஊற்றி, நன்றாக கலக்கவும். பின்னர், ஒரு தேக்கரண்டி தேனை ஊற்றி நன்றாக கலக்கவும். இந்த கலவையை முகத்தில் தடவிக்கொள்ளவும். நன்றாக மசாஜ் செய்து கொள்ளவும். 10 நிமிடம் ஊற வைத்து, பின்னர் முகத்தை நன்றாக கழுவிக்கொள்ளவும்.
முகத்தில் உள்ள கருமை முழுவதுமாக நீங்கி, முகமானது பொலிவைப் பெறும். இந்த கலவையில் உள்ள மஞ்சள் தூளானது முகத்தில் உள்ள அழுக்குகளை வெளியேற்றும். பாலானது, சருமத்திற்கு மென்மையைத் தரும். மேலும், தேனானது முகத்திற்கு பொலிவைத் தரும். இந்த கலவையை வாரம் இரண்டு முறை முகத்திற்குத் தேய்த்து வந்தால், முகமானது பொலிவைப் பெறும்.
தொப்பையைக் கரைக்கும் ஆப்பிள் டீ செய்யும் முறை…-Apple tea
Apple tea-ஆப்பிள் டீயில் பல நன்மைகள் உள்ளது. ஆப்பிள் டீயைக் குடித்து வந்தால் தொப்பை கரையும். ஆப்பிள் டீயைக் குடிப்பதன் மூலம் உடலில் உள்ள நச்சுகள் வெளியேறும். மேலும், வயிறு சார்ந்த உபாதைகள், மலச்சிக்கல், வாயு என அனைத்து பிரச்சனைகளும் குணமாகும். அத்தகைய ஆப்பிள் டீயைச் செய்யும் முறையைப் பற்றிக் காணலாம்.
தேவையான பொருட்கள்
ஆப்பிள்
டீ பேக்
எலுமிச்சை சாறு
இலவங்கப்பட்டை
ஆப்பிள் டீ செய்யும் முறை
ஒரு பாத்திரத்தில் இரண்டு டம்ளர் தண்ணீரை ஊற்றி கொதிக்க வைக்கவும். தண்ணீர் கொதித்ததும் அதில் டீ பேக்கைப் போடவும். சிறிது நேரம் கழித்து எலுமிச்சை சாறை அதில் பிழிந்துவிடவும். இந்த பாத்திரத்தை அடுப்பில் இருந்து இறக்கிவிடவும். மற்றொரு பாத்திரத்தில் நறுக்கி வைத்துள்ள ஆப்பிள் துண்டுகளைப் போட்டுக்கொள்ளவும். அதில் தண்ணீர் ஊற்றி கொதிக்க வைக்கவும்.
தண்ணீர் கொதித்தப்பிறகு, அதில் இலவங்கப்பட்டையைச் சேர்க்கவும். இந்த தண்ணீரை எலுமிச்சை சாறு கலந்த தண்ணீருடன் கலந்துக்கொள்ளவும். பின்னர், வடிகட்டிக்கொள்ளவும். இந்த ஆப்பிள் டீயை தினமும் குடித்து வந்தால் உடலில் உள்ள நச்சுகள் வெளியேறும். தொப்பையானது குறையும். மேலும், தோல் சார்ந்த நோய்கள் குணமாகும்.
உடலை ஆரோக்கியமாக வைக்கும் சங்குப்பூ டீ செய்யும் முறை…sangu poo benefits in tamil
sangu poo benefits in tamil-மிக எளிதாக கிடைக்கும் சங்குப்பூவில் பல மருத்துவக்குணங்கள் நிறைந்துள்ளது. சங்குப்பூ டீ செய்து குடிப்பதன் மூலம், உடலானது ஆரோக்கியமாக இருக்கும். காக்காட்டான் என அழைக்கப்படும் சங்குப்பூவில் டீ செய்வது எவ்வாறு என்பதைப் பற்றிக் காணலாம்.
தேவையான பொருட்கள்
சங்குப்பூ
கருப்பட்டி
எலுமிச்சை சாறு
சங்குப்பூ டீ செய்யும் முறை
ஒரு பாத்திரத்தில் தண்ணீரை ஊற்றி கொதிக்கவிடவும். தண்ணீர் நன்றாக கொதித்தவுடன் சேகரித்து, வைத்துள்ள சங்குப்பூவை அதில் போட்டுக்கொள்ளவும். தண்ணீர் நன்றாக கொதித்தவுடன் தண்ணீர் நீல நிறமாக மாறியதைக் காண முடியும்.
பின்னர், எலுமிச்சை சாறை கலந்துக்கொள்ளவும். பிறகு, கருப்பட்டி சேர்த்துக்கொள்ளவும். அந்த தண்ணீரை இறக்கி வடிகட்டிக்கொள்ளவும்.
இந்த சங்குப்பூ டீயைக் குடித்து வந்தால், தோல் சார்ந்த பிரச்சனைகள் குணமாகும். ஆரோக்கியத்தை தரக்கூடிய இந்த சங்குப்பூ டீயைக் குடித்து வந்தால் இரத்தத்தில் உள்ள சர்க்கரையின் அளவு குறையும்.
உங்கள் வீட்டில் ரோஜா செடி பூ பூக்கவில்லையா… இந்த இரண்டு பொருட்கள் போதும்…ரோஜா செடியில் கொத்து கொத்தாக பூக்கள் பூக்கும்…-rose flower
rose flower-அனைவருக்கும் ரோஜாப்பூவென்றால், மிகவும் பிடிக்கும். பார்க்கும் இடங்களில் எல்லாம் ரோஜா செடியை பல வண்ணங்களில் வாங்கி வந்து வீட்டில் வைப்பர். அதனை முறையாக பராமரிக்கவும் செய்வர். ஆனால், ரோஜா செடியில் பூக்கள் பூப்பது என்பது மிக அரிதாகக் காணப்படும். வாங்கிய புதியதில் இரண்டு மூன்று பூக்கள் பூக்கும். பின்னர், வெறும் செடி மட்டும் தான் காணப்படும். ரோஜா செடி பூ பூக்கமால் இருக்கும். உங்கள் வீட்டில் உள்ள ரோஜா செடி பூ பூக்க இந்த இரண்டு பொருட்கள் போதும்.
தேவையான பொருட்கள்
வேர்க்கடலை- 25 கிராம்
கடுகு- 25 கிராம்
செய்முறை
காய்ந்த வேர்க்கடலையை எடுத்துக்கொள்ளவும். பின்னர், கடுகை எடுத்துக்கொள்ளவும். இரண்டையும் மிக்ஸியில் போட்டு நன்றாக அரைத்துக்கொள்ளவும். இந்த பவுடரை ஒரு பாட்டிலில் கொட்டிக்கொள்ளவும். பின்னர், இதில் நீர் ஊற்றிக்கொள்ளவும். பாட்டில் மூடியை நன்றாக மூடிவிட்டு 10 நாட்கள் அப்படியே வைக்க வேண்டும்.
தினமும் காலையில் இந்த தண்ணீரை நன்றாக குலுக்கி மட்டும் வைக்க வேண்டும். 10 நாட்கள் கழிந்தப்பின்பு, மூடியை திறந்து ஒரு டம்ளர் தண்ணீரையை எடுத்துக்கொள்ளவும். இந்த தண்ணீருடன் 5 டம்ளர் சாதராண தண்ணீரைக் கலந்து ரோஜா செடிக்கு ஊற்ற வேண்டும். மாதம் ஒரு முறை இந்த தண்ணீரை ஊற்றினால் போதும். ரோஜா செடியில் பூக்கள் பூத்துக்குலுங்கும்.
இது மிகச்சிறந்த உரமாகும். இதனை தவறாமல் மாதந்தோறும் செடிக்கு உரமாக ஊற்றுவதைப் பழக்கப்படுத்திக்கொண்டால் பூக்கள் பூத்துக்குலுங்கும். பார்ப்பதற்கு அழகாகவும்,ஆனந்தமாகவும் இருக்கும்.
பழையக் கொலுசு பளபளப்பாக ஜொலிக்க இந்த மூன்று பொருட்கள் போதும்…
மான் போன்ற கால்களுக்கு அழகு சேர்ப்பது கொலுசு. கொலுசு சிறிய குழந்தைகள் முதல் பெண்கள் வரை அனைவரும் விரும்பி அணியக்கூடிய அணிகலனாகும். கொலுசு அணிவதன் மூலம் மனதில் மகிழ்ச்சியும், உற்சாகமும் பெருகும். வீடு முழுக்க கொலுசு ஓசை கேட்பவருக்கு மகிழ்ச்சியைக் கொடுக்கும்.
கொலுசை வாங்கும் போது பல டிசைன்களில் பார்த்து பார்த்து வாங்கி மகிழ்வர். ஆனால், கொலுசை அணிந்த சில வருடங்களில் அதன் நிறமானது மாறத் தொடங்கும். கொலுசை பளபளப்பாக வைக்க எவ்வளவு முயற்சி செய்தும் பயன் இல்லையா? இந்த மூன்று பொருட்கள் போதும். கொலுசு பளபளப்பாக ஜொலிக்கும்…
தேவையான பொருட்கள்
கோல்கேட் டூத்பேஸ்ட் பவ்டர்
எலுமிச்சை சாறு
சுடத்தண்ணீர்
விளக்கம்
ஒரு கிண்ணத்தில் கோல்கேட் டூத்பேஸ்ட் பவ்டரை மூன்று தேக்கரண்டி கொட்டிக்கொள்ளவும். பின்னர், நன்றாக பழுத்த எலுமிச்சைப் பழத்தை இரண்டாக நறுக்கி சாறு எடுத்துக்கொள்ளவும். எலுமிச்சை சாறை கிண்ணத்தில் ஊற்றி நன்றாக கலக்கவும். இந்த கலவையை அழுக்கான கொலுசின் மீது நன்றாக தேய்க்கவும்.
தேய்த்தப்பின்னர், சிறிது நேரம் ஊற வைக்கவும். பிறகு, இந்த கொலுசைச் சுடத்தண்ணீரில் 10 நிமிடம் நேரம் போடவும். கொலுசு நன்றாக ஊறியதும், அதனை வெளியே எடுத்துக்கொள்ளவும். பின்னர், டூத் பிரஷைப்பயன்படுத்தி நன்றாக தேய்த்து கழுவ வேண்டும்.
இப்பொழுது கொலுசில் உள்ள அழுக்குகள் முழுவதுமாக நீங்கி, கொலுசு பளபளப்பாக இருப்பதைக் காண முடியும். மிக எளிமையான வழியில் கொலுசைப் பளபளப்பாக மாற்ற இது சிறந்த வழியாகும்.
முட்கள் நிறைந்த கண்டங்கத்திரி முழு செடியுமே மருத்துவக் குணம் வாய்ந்த செடியாகும். இதன் காய் கத்திரிக்காய் போல் காணப்படும். கண்டங்கத்திரியின் காய் மஞ்சள் நிறத்தில் காணப்படும். கண்டங்கத்திரியில் பல மருத்துவ குணங்கள் நிறைந்து காணப்படுகிறது.
கண்டங்கத்திரியைப் பயன்படுத்தி கண்டங்கத்திரி குழம்பு, கண்டங்கத்திரி தீயல், கண்டங்கத்திரி ரசம் செய்வது எவ்வாறு என்பது பற்றி காண்போம்.
கண்டங்கத்திரி குழம்பு -Kandankathri kuzhambu
கண்டங்கத்திரியில் குழம்பு செய்து சாப்பிட்டால், சளி, இருமல், சுவாசக்கோளாறு சார்ந்த பிரச்சனைகள் முழுவதும் குணமாகும். கண்டங்கத்திரி குழம்பு செய்வது எப்படி? என காண்போம்.
தேவையான பொருட்கள்
கண்டங்கத்திரி காய் – ஒரு கைப்பிடியளவு
தக்காளி -2
வெங்காயம் -3
பூண்டு – 10 பற்கள்
புளிகரைசல் – ஒரு டம்ளர் அளவு
மஞ்சள் தூள் –கால் தேக்கரண்டி
குழம்பு மிளகாய் தூள் –தேவையான அளவு
உப்பு –தேவையான அளவு
தாளிக்க தேவையான பொருட்கள்
கடுகு, சீரகம், கருவேப்பிலை
செய்முறை
கண்டங்கத்திரிகாயை நன்றாக கழுவி சுத்தம் செய்து கொள்ளவும். கண்டங்கத்திரிகாயின் காம்பை நீக்கி, இரண்டாக நறுக்கி தண்ணீரில் போட்டுக்கொள்ளவும். பின்னர், வெங்காயம் மற்றும் தக்காளியை நறுக்கிக் கொள்ளவும். புளியில் தண்ணீர் மற்றும் உப்பு போட்டு ஊற வைத்துக்கொள்ளவும்.
ஒரு வாணலில் எண்ணெய் ஊற்றி, எண்ணெய் காய்ந்தப்பிறகு, கடுகு மற்றும் சீரகத்தைப் போட்டுக்கொள்ளவும். பின்னர், வெங்காயம் மற்றும் பூண்டு போட்டு வதக்கவும். வெங்காயம் வதங்கிய பின் தக்காளியைப் போட்டு நன்றாக வதக்கிக்கொள்ளவும். பிறகு, நறுக்கி வைத்துள்ள கண்டங்கத்திரியைக்காயை போட்டு, பொன்னிறமாக வதக்கிக்கொள்ளவும்.
பின்னர், மஞ்சள் தூள் போடவும். காய்கறி நன்றாக வதங்கிய பின் மிளகாய் தூள் போட்டுக்கொள்ளவும். பின்னர், ஒரு டம்ளர் தண்ணீர் ஊற்றிக்கொள்ளவும். தண்ணீர் நன்றாக கொதித்தப்பின் புளிகரைசலை ஊற்றிக்கொள்ளவும். குழம்பு நன்றாக சுண்டும் வரை கிளறிக்கொண்டு இருக்கவும். மணமணக்கும் கண்டங்கத்திரி குழம்பு பெரியவர் முதல் சிறியவர் வரை அனைவரும் விரும்பி சாப்பிடக்கூடிய குழம்பாகும்.
கண்டங்கத்திரியில் தீயல் செய்து சாப்பிட்டால், சளி, இருமல், சுவாசக்கோளாறு சார்ந்த பிரச்சனைகள் முழுவதும் குணமாகும். கண்டங்கத்திரி தீயல் செய்வது எப்படி? என காண்போம்.
தேவையான பொருட்கள்
கண்டங்கத்திரி காய் – ஒரு கைப்பிடியளவு
சின்ன வெங்காயம் – 10 முதல் 15 வரை
மாசலாவிற்கு தேவையான பொருட்கள்
எண்ணெய் – 2 தேக்கரண்டி, காய்ந்த மிளகாய் -2, துருவிய தேங்காய் சிறிதளவு, பூண்டு -5 பற்கள், சீரகம், நெல்லிக்காய் அளவு புளி, மல்லித்தூள்
தாளிக்க தேவையான பொருட்கள்
எண்ணெய் , கடுகு
செய்முறை
எண்ணெயை ஊற்றிக்கொள்ளவும். எண்ணெய் காய்ந்தப்பிறகு கடுகைப் போட்டுக்கொள்ளவும். கடுகு வெடித்தப்பின் சின்ன வெங்காயத்தைப் போட்டுக்கொள்ளவும். சின்ன வெங்காயம் நன்றாக வதங்கியப்பின் கண்டங்கத்திரி மற்றும் கருவேப்பிலை போட்டு நன்றாக வதக்க வேண்டும்.
பின்னர், மாசலாவிற்குத் தேவையான பொருட்களை தனியாக வதக்கி, அரைத்து இதில் சேர்த்துக்கொள்ளவும். நன்றாக வதக்கிக்கொண்டே இருக்கவும். பின்னர், தேவையான அளவு தண்ணீர் ஊற்றி, தண்ணீர் சுண்டியவுடன் இறக்கிக்கொள்ளவும். சுவையான கண்டங்கத்திரி தீயல் சுவாசக்கோளாறை முற்றிலும் குணப்படுத்தக்கூடியது ஆகும்.
கண்டங்கத்திரி இரசம் – Kandankathri rasam
கண்டங்கத்திரியில் இரசம் செய்து சாப்பிட்டால், சளி, இருமல், சுவாசக்கோளாறு சார்ந்த பிரச்சனைகள் முழுவதும் குணமாகும். கண்டங்கத்திரி இரசம் செய்வது எப்படி? என காண்போம்.
தேவையான பொருட்கள்
கண்டங்கத்திரி இலைகளைச் சுத்தம் செய்து, அரைத்து வடிகட்டிக்கொள்ளவும்.
ஒரு வாணலில் எண்ணெய் ஊற்றிக்கொள்ளவும். எண்ணெய் காய்ந்த பிறகு உளுத்தம் பருப்பைப்போட்டுக் கொள்ளவும். பின்னர், இடித்து வைத்துள்ள மாசலாவைப் போட்டுக்கொள்ளவும். நன்றாக வதக்கவும். பிறகு புளி கரைசலை ஊற்றவும்.
பின்னர், கண்டங்கத்திரி இலை சாறை ஊற்றவும். தண்ணீர் நன்றாக கொதித்தப்பிறகு பருப்பு வேக வைத்த தண்ணீரை ஊற்றிக்கொள்ளவும். இரசம் கொதித்தப்பின் கொத்தமல்லி மற்றும் கருவேப்பிலை தழையைப் போட்டு, இரசத்தை இறக்கிக்கொள்ளவும். சுவையான மணமணக்கும் கண்டங்கத்திரி இரசத்தைச் சாப்பிட்டால் இருமல் தொந்தரவு வரவே வாராது.
கண்டங்கத்திரியில் செய்யக்கூடிய உணவுமுறைகளைப் பற்றி பார்த்தோம். எளிதாக கிடைக்கக்கூடிய இந்த கண்டங்கத்திரி செடியில் மருத்துவக்குணங்கள் நிறைந்து காணப்படுகிறது. இந்த நம் வீட்டின் அருகில் வளர்ந்தால், அதனை முறையாகப் பராமரிக்கவும். மக்களின் நோயைத் தீர்க்கக்கூடிய இந்த செடியைப் பராமரிப்பது நமது கடமையாகும்.
குழந்தைளுக்கு நோய் எதிர்ப்பு சக்தி அதிகரிக்க இதை மட்டும் செஞ்சி கொடுங்க போதும்…
குழந்தைளுக்கு நோய் எதிர்ப்பு சக்தி அதிகரிக்க- குழந்தைகளுக்கு அடிக்கடி சளி, இருமல், காய்ச்சல் வர வாய்ப்புண்டு. குழந்தைகளுக்கு நோய் எதிர்ப்பு சக்தி குறைவாக இருப்பதால், அவர்களுக்கு எளிதில் உடல்நலக்குறைவு ஏற்படுகிறது. குழந்தைகளுக்கு நோய் எதிர்ப்பு சக்தியை அதிகரிக்க என்ன கொடுக்க வேண்டும்? என புலம்பும் தாய்மார்களே! இத மட்டும் செஞ்சி கொடுங்க.. போதும். குழந்தைகளுக்கு நோய் எதிர்ப்பு சக்தி அதிகரிக்கும்.
குழந்தைளுக்கு நோய் எதிர்ப்பு சக்தி அதிகரிக்க
கஷாயத்திற்குத் தேவையான பொருட்கள்…
சீரகம் – கால் தேக்கரண்டி
மிளகு- 5
பூண்டு -1
இஞ்சி –சிறு துண்டு
ஒமம் -– கால் தேக்கரண்டி
கஷாயம் செய்யும் முறை
சீரகம், மிளகு, பூண்டு, இஞ்சி, ஓமம் இவற்றை உரலில் போட்டு நன்றாக இடித்துக்கொள்ளவும். தண்ணீரை ஒரு பாத்திரத்தில் ஊற்றி கொதிக்கவிடவும். தண்ணீர் கொதித்ததும், இடித்து வைத்த பொருட்களை அதில் போட்டு, கொதிக்கவிடவும்.
நீர் நன்றாக சுண்டவுடன், அதனை வடிகட்டிக் கொள்ளவும். சிறிது ஆற வைத்து, அதில் தேன் கலந்து குழந்தைகளுக்குக் கொடுக்கலாம்.
ஆறு மாத குழந்தைக்கு அரை பாலாடையும், ஒன்பது மாத குழந்தைக்கு முக்கால் பாலாடையும் கொடுக்கலாம். அதற்கு மேல் உள்ள குழந்தைகளுக்கு ஒரு பாலாடையும் கொடுக்கலாம்.
இந்த கஷாயம் கொடுத்த உடன் குழந்தையை தோளில் போட்டு தட்டி, சிறிது நேரம் விளையாடவிட வேண்டும்.
இந்த கஷாயம் குடிப்பதன் மூலம் குழந்தைகளுக்கு நோய் எதிர்ப்பு சக்தி அதிகரிக்கும். பசியின்மை பிரச்சனை, வயிறு சார்ந்த பிரச்சனைகள் நீங்கும்.
பூஜை பொருட்கள் பளபளப்பாக ஜொலிக்க மிக எளிய வழிகள் உங்களுக்காக-Poojai porutkal
Poojai porutkal-பூஜை அறை மங்களகரமாகவும், தெய்வீகத் தன்மையுடன் இருந்தால், அந்த வீட்டில் சகல ஜஸ்வர்யமும் பெருகும். வீட்டில் மாலை நேரத்தில் விளக்கு ஏற்றுவதன் மூலம் செல்வமும், ஒற்றுமையும் பெருகும்.
பூஜை அறையில் உள்ள பொருட்களைச் சுத்தமாக, கழுவி மஞ்சள், குங்குமம் வைத்து, மலர் வைத்து, ஆராதனை செய்தால் மன அமைதி பெறும். பூஜை அறையில் உள்ள பொருட்களை எவ்வளவு கழுவியும் பளபளப்பாக இல்லையா? இதை மட்டும் செய்தால் போதும்… வீட்டின் பூஜை அறையில் உள்ள பொருட்கள் பளபளப்பாக இருக்கும்.
பூஜை பொருட்கள் பளபளப்பாக ஜொலிக்க
முதலில் பூஜை பொருட்களில் உள்ள எண்ணெய் பசையை ஒரு காகிதத்தைக் கொண்டு, நன்றாக துடைத்துக்கொள்ள வேண்டும். பின்னர், ஒரு கிண்ணத்தில் ஒரு தேக்கரண்டி இந்துப்புவை எடுத்துக்கொள்ளவும்.
பின்னர், மூன்று தேக்கரண்டி கோதுமை மாவை அதில் சேர்க்கவும். புளி கரைத்த தண்ணீரை அதில் ஊற்றி நன்றாக கலக்க வேண்டும். பின்னர், எலுமிச்சைச் சாறை அதில் ஊற்றி நன்றாக கலக்க வேண்டும்.
பின்னர், பூஜை பொருட்களின் மீது இதனை தடவ வேண்டும். சிறிது நேரம் ஊற வைத்து, பின்னர், நன்றாக தேய்த்து கழுவினால், பூஜை பொருட்கள் பளபளப்பாக இருக்கும். பின்னர், பூஜை பொருட்களை நன்றாக துடைத்து, மஞ்சள் , குங்குமம் வைத்தால் பூஜை பொருட்கள் பளபளப்பாக இருக்கும்.
வீட்டில் சகல ஐஸ்வர்யமும் பெருகும். மாலை நேரத்தில் விளக்கு ஏற்றி, தெய்வத்தை மனதில் நிறுத்தினால், எடுத்த காரியம் கைகூடும்.
அதிகாலையில் எழுந்தவுடன் இவற்றைப் பார்த்தால் போதும் நன்மை பெருகும்-Athikalai velaiyil parkka vendiyathu
Athikalai velaiyil parkka vendiyathu-காலையில் உறக்கத்திலிருந்து எழுந்தவுடன் மனதிற்கு அமைதியையும், மகிழ்ச்சியையும் தரக்கூடிய பொருட்களைக் காண வேண்டும். அவ்வாறு காண்பதன் மூலம் அன்றைய நாள் முழுவதும் புத்துணர்வாகவும், சந்தோஷத்தை ஏற்படுத்தக்கூடிய வகையிலும் அமையும். காலையில் எழுந்ததும் எந்தெந்தப் பொருட்களைக் காணலாம் என்பதைப் பற்றி காணலாம்.
காலையில் எழுந்தவுடன் முதலில் பசுவின் முகத்தைப் பார்க்க வேண்டும். பசுவின் முகத்தைப் பார்த்தால் அன்றைய நாள் முழுக்க நன்மை கிடைக்கும். மன அமைதி கிடைக்கும். வீண் வாக்குவாதம் குறையும்.
காலையில் எழுந்தவுடன் தனது உள்ளங்கையைப் பார்த்தல் நல்லது. உள்ளங்கையில் லட்சுமி தேவி வாசம் செய்யக்கூடிய பகுதியாகும். உள்ளங்கையைப் பார்ப்பதன் மூலம் செல்வமானது பெருகும்.
தங்க நகை அணிந்த பெருமாளின் படத்தைக் காலையில் எழுந்தவுடன் பார்த்தால் பணமானது பெருகும். தொழிலில் முன்னேற்றம் ஏற்படும். காரியத் தடை நீங்கும். வியாபாரத்தில் லாபம் பெருகும்.
காலையில் எழுந்தவுடன் மகாலட்சுமி படத்தைப் பாரத்தால் செல்வம் பெருகும். எடுத்த காரியம் கைகூடும். வீட்டில் சுப நிகழ்ச்சிகள் நடைபெறும். பேரும், புகழும் கிடைக்கும்.
காலையில் எழுந்தவுடன் கண்ணாடியில் தன் முகத்தைப் பார்ப்பதும் நன்மை பயக்கும். காலையில் எழுந்ததும் தன் முகத்தைப் பார்ப்பதன் மூலம் தன்னம்பிக்கைப் பெருகும். மன தைரியம் பெருகும்.
காலையில் எழுந்தவுடன் தன் தாய், மனைவி, பிள்ளைகளின் முகத்தை காண்பதும் நன்மை பயக்கும். மனதில் அமைதி பெருகும். அன்றைய நாள் முழுக்க உற்சாகம் இருக்கும். ஒற்றுமை உணர்வோடு வாழ வழி கிடைக்கும்.
காலையில் கதிரவனைக் காண்பது சிறந்த பலனைத் தரும். தொழிலில் ஏற்பட்ட தடைகள் அனைத்தும் விலகும். வாழ்வில் முன்னேற்றம் கிடைக்கும்.
இயற்கை காட்சிகளைக் காண்பதன் மூலம் மனம் புத்துணர்வாக இருக்கும். மனதில் அமைதி நிறைந்திருக்கும். எண்ணத்தில் தெளிவு மற்றும் பேச்சில் தெளிவு ஏற்படும்.
காலையில் எழுந்தவுடன் கோவில் கோபுரத்தைக் காண்பதன் மூலம் மங்கலம் பெருகும். சுப நிகழ்ச்சி செய்திகள் வீடு தேடி வரும். பணி உயர்வு மற்றும் ஊதிய உயர்வு கிடைக்கும்.
காலையில் எழுந்தவுடன் சிவலிங்கத்தைக் காண்பதன் மூலம் ஆயுள் பெருகும். தீராத நோய்கள் குணமாகும். குடும்பத்தில் ஒற்றுமை பெருகும். பண வரவு அதிகரிக்கும்.
Excercise benefits- உடலையும், மனதையும் ஆரோக்கியமாக வைத்திருக்க உடற்பயிற்சியைச் செய்ய வேண்டும். உடல் எடையை குறைக்க விரும்புவோர் முறையான உடற்பயிற்சி செய்வதன் மூலம் உடல் எடையைக் குறைக்கலாம். உடற்பயிற்சி செய்வதன் மூலம் உடலில் உள்ள தேவையற்ற கலோரிகள் குறையும்.
உடற்பயிற்சி அவசியம் -Excercise benefits
உடற்பயிற்சி செய்வதன் மூலம் உடலும், மனமும் பாதுகாக்கப்படுகிறது. நாம் அன்றாடம் செய்யக்கூடிய வேலைகளே மிகச்சிறந்த உடற்பயிற்சிக்குச் சான்றாகும். நடத்தல், ஓடுதல், சைக்கிள் ஓட்டுதல், விளையாடுதல், நடனம் என் அனைத்துமே உடலையும், மனதையும் பலப்படுத்தக்கூடியது ஆகும்.
காலை, மாலை என இருவேளையும் உடற்பயிற்சி செய்யலாம். பெரும்பாலும் காலையில் உடற்பயிற்சி செய்வது நல்லது. காலையில் உடற்பயிற்சி செய்வதன் மூலம் உடலானது சுறுசுறுப்பாக இருக்கும். காலையில் உடற்பயிற்சி செய்வதன் மூலம் மன அமைதியாக இருக்கும். மேலும், கவனச்சிதறல் ஏற்படுவதற்கான வாய்ப்பும் குறைகிறது.
உடற் பயற்சி செய்வதன் மூலம் மூளையின் செயல்திறன் அதிகரிக்கும். இரத்த ஓட்டம் சீராக இருக்கும். உடற்பயிற்சி செய்வதன் மூலம் கோபமானது கட்டுக்குள் வரும். இதய படபடப்பு குறையும்.
உடற்பயிற்சி செய்வதன் மூலம் உடலில் சர்க்கரை மற்றும் கொழுப்பின் அளவு சீராக இருக்கும்.
உடற்பயிற்சி செய்வதன் மூலம் செரிமானம் சார்ந்த பிரச்சனை நீங்கும். உடல் செயல்பாடு நன்றாக இருக்கும். உடலானது ஆரோக்கியமாகவும், புத்துணர்வாகவும் இருக்கும். இரவில் நன்றாக துக்கம் வரும்.
அமாவாசை அன்று மறந்தும் கூட இதை செய்யாதீங்க-Amavasaya
அமாவாசை பொருள்
சூரியனும் சந்திரனும் ஒரே நேர்கோட்டில் வரக்கூடிய நாளைத்தான் அமாவாசை என்று அழைப்பர். சந்திரன் முழுமையாக மறையக்கூடிய நாள்தான் அமாவாசை ஆகும்.
அமாவாசை விரதம் யார் இருக்க கூடாது?
அமாவாசை அன்று பொதுவாக பெரும்பாலோனோர் அசைவ சாப்பாட்டைத் தவிர்த்து விரதம் இருப்பர். வீட்டைச் சுத்தம் செய்து முன்னோர்களை நினைத்து வழிபடுவது வழக்கம். ஆண்கள் தாய் , தந்தை இல்லை என்றால் அமாவாசை விரதம் இருக்கலாம். கணவரை இழந்த பெண்கள் அமாவாசை விரதம் இருக்கலாம். சுமங்கலி பெண்கள் எக்காரணம் கொண்டும் அமாவாசை விரதம் இருக்கக்கூடாது.
அமாவாசை அன்று செய்யக்கூடாதவை
அமாவாசை அன்று வீட்டின் முன் எக்காரணம் கொண்டும் கோலம் போட கூடாது.
அமாவாசை அன்று வீட்டில் காலைப் பொழுதில் படைக்கக் கூடாது. பொதுவாகக் காலையில் அமாவாசைப் படைப்பதை வழக்கமாகக் கொண்டிருப்பர். அதைத் தவிர்க்க வேண்டும்.
அமாவாசை படைத்தப்பிறகு வீட்டில் இருந்து பால், தயிர், குடிநீர், உப்பு, ஊசி,நூல் இவற்றை யாருக்கும் தர கூடாது. மீறி தந்தால் வறுமை ஏற்படும்.
மறந்தும் கூட அமாவாசை அன்று தலைக்கு எண்ணெய் தேய்க்க கூடாது.
அமாவாசை அன்று நுனி இலையில் காகத்திற்கு சாதம் வைக்க வேண்டும். காகத்திற்குச் சாதம் வைப்பதன் மூலம் நம் முன்னோர்கள் பசியாறுவார்கள் என்ற நம்பிக்கை உண்டு.
அமாவாசை அன்று நம் முன்னோர்களை மனதில் நினைத்து வழிபட வேண்டும். அவர்களின் அருளால் வீட்டில் ஒற்றுமையும், அமைதியும் நிலவும்.
அமாவாசை அன்று மறந்தும் கூட அசைவ சாப்பாட்டைச் சாப்பிடக்கூடாது.
அமாவாசை அன்று உணவில் பூண்டு, வெங்காயத்தைச் சேர்த்துக்கொள்ளக்கூடாது.
அமாவாசை அன்று எவரையும் கோவமாகத் திட்டக்கூடாது. அமாவாசை அன்று நம் முன்னோர்கள் மண்ணுலகிற்கு வருவார்கள். அவர்கள் முன் கோவமாகத் திட்டுவதைத் தவிர்க்க வேண்டும்.
அமாவாசை அன்று பூஜை அறையில் மணி அடிக்கக்கூடாது. மணி அடிப்பதன் மூலம் நம் முன்னோர்களின் ஆன்மா உள்ளே வரத்தயங்குமாம். எனவே, மணி அடிக்கக்கூடாது.
ஏழு மாத குழந்தை சாப்பிட வேண்டிய பழங்கள்-Fruits for babies
குழந்தைகளுக்கு ஆறு மாதம் வரை தாய்ப்பால் மட்டுமே கொடுக்க வேண்டும். அதன் பின்னர் திட உணவுகளைக் குழந்தைகளுக்குக் கொடுக்க வேண்டும். சத்து நிறைந்த எளிதில் செரிமானம் அடையகூடிய உணவுகளை குழந்தைகளுக்குக் கொடுக்க வேண்டும். திட உணவைக் கொடுக்க ஆரம்பித்தாலும், அத்துடன் இணை உணவாகத் தாய்ப்பாலையும் கொடுக்க வேண்டும். குழந்தைகள் சாப்பிட வேண்டிய பழத்தைப் பற்றி காணலாம்.
பழத்தைக் கொடுக்கும் முறை
ஏழு மாத குழந்தைக்கு பழத்தை நறுக்கியோ, பழச்சாறாகவோ கொடுக்கக்கூடாது. பழத்தை வேக வைத்து கூழாக்கி கொடுக்க வேண்டும். பழத்தைக் கூழாக்கிக்கொடுக்கும் போது அதில் சர்க்கரை சேர்க்கக்கூடாது. பழத்தில் உள்ள சர்க்கரையே போதுமானது ஆகும்.
கிவி பழம்
கிவி பழத்தை வேக வைத்து தோல் நீக்கி, மசித்து குழந்தைகளுக்கு கொடுக்கலாம். குழந்தைகளுக்குக் கிவி பழத்தைக் கொடுத்து வந்தால், குழந்தையின் மூளை வளர்ச்சி நன்றாக இருக்கும். குழந்தைகளுக்கு வரக்கூடிய சளி, மூச்சுத்திணறல் போன்றவற்றைக் கிவி பழம் குணப்படுத்தும். கிவி பழத்தில் ஒமேகா 3, போலேட், கொழுப்பு அமிலம் ஆகிய சத்துகள் நிறைந்துள்ளது.
ஸ்டாபெரி பழம்
ஸ்டாபெரி பழத்தை வேக வைத்து தோல் நீக்கி, மசித்து குழந்தைகளுக்கு கொடுக்கலாம். ஸ்டாபெரி பழத்தில் வைட்டமின் சி, போலிக் அமிலம், பாஸ்பரஸ், கால்சியம், இரும்பு முதலிய எண்ணற்ற சத்துகள் உள்ளது. குழந்தைகளுக்கு கிவி பழத்தைக் கொடுத்து வந்தால்,
ஆப்பிள்
ஆப்பிளை நன்றாக வேக வைத்து தோல் நீக்கி, மசித்து குழந்தைகளுக்கு கொடுக்கலாம். ஆப்பிள் சாப்பிடுவதன் மூலம் குழந்தையின் உடல் எடை அதிகரிக்கும். ஆப்பிள் பழத்தில் இரும்பு, புரோட்டீன், கொழுப்பு, பாஸ்பேட், சர்க்கரை, பொட்டாசியம், சோடியம், பெக்டின், உயிர்ச் சத்துக்கள் பி1, பி2, சி, முதலியன அடங்கியுள்ளன.
வாழைப்பழம்
வாழைப்பழத்தை நன்றாக மசித்து குழந்தைகளுக்கு கொடுக்கலாம். வாழைப்பழத்தைக் குழந்தைகளுக்குக் கொடுத்து வந்தால் குழந்தையின் உடல் எடை அதிகரிக்கும். வாழைப்பழத்தில் வைட்டமின் ஏ, பி2, சுண்ணாம்புச்சத்து உள்ளது.
