வாழ்க்கையில் வெற்றி பெறுவதற்கும் 7 பழக்கவழக்கம் – How to achive in our life in tamil

வாழ்க்கையில் வெற்றி பெறுவதற்கும் 7 பழக்கவழக்கங்களை மாற்றிக் கொள்ள வேண்டும். இந்த 7 பழக்கத்தையும் மாற்றி, 7 நாட்களுக்கு மட்டும் பின்பற்றி பாருங்கள். அதன் உற்சாகம் உங்களுக்கே தெரியும்.

எதற்கு முன்னுரிமை கொடுக்க வேண்டும்:

இதுவும் கிட்டத்தட்ட திட்டமிடலுக்கு சமமானது ஆகும். எந்த செயலை முதலில் செய்ய வேண்டும், எந்த செயலை பிறகு செய்ய வேண்டும் என்ற பகுப்பாய்வு செய்து பழக வேண்டும். நாளை வங்கிகளுக்கு விடுமுறை என்று அறிவிக்கப்பட்டால், வங்கி சம்பந்தப்பட்ட காரியங்களை இன்றே முடித்து விட வேண்டும். இதற்காக இன்றைய வேலைகளையும் சிறிது நேரம் ஒத்தி வைக்கலாம். இது போன்று எதற்கு முன்னுரிமை கொடுக்க வேண்டும், எந்த செயலை முதலில் செய்ய வேண்டும் என்று சிந்தனை வேண்டும். இதனை தொடர்ந்து கடைபிடிக்க வேண்டும்.

திட்டமிடல் இல்லாமை: No Plan!

எதையும் திட்டமிட்டு செயலாற்ற வேண்டும். ஒரு திரைப்படம் எடுத்து முடிப்பதற்கு பிளான் எப்படி முக்கியமானதோ, அதே போன்று தான் நம்முடைய அன்றாட வாழ்க்கையிலும் திட்டமிடல் மிக முக்கியமானது. உதாரணத்திற்கு காய்கறி கடைக்கு செல்கிறீர்கள் என்றால், எந்த காய்கறி வாங்க வேண்டும், எந்த காய்கறி அடுத்த சில நாட்களில் விலை கூடும் என்பதை அறிந்து அதற்கு ஏற்ப வாங்க வேண்டும். ஒரு செல்போன் வாங்குவதற்கு எப்போது வாங்க வேண்டும், எப்படி வாங்க வேண்டும் என்ற சிந்தனை உள்ளதோ, அதே சிந்தனை அனைத்து செயல்களுக்கும் வரவேண்டும்.

பொழுது விடிந்த பிறகும் தூங்குவது: Long Sleep

வேலை இருக்கிறதோ இல்லையோ, அதிகாலை எழுந்து விட வேண்டும். ஒரு நாள் எப்படி அமைகிறது என்பது நீங்கள் அன்றைய தினம் காலையில் எழுந்திருக்கும் நேரத்தை பொறுத்தும், முதலில் செய்யும் செயல்களைப் பொறுத்தும் அமைகிறது. எனவே, லேட்டாக எழுந்திருக்கும் பழக்கத்தை மாற்றிக் கொள்ளுங்கள். காலையில் சீக்கரமாக எழுந்திருக்க வேண்டும். அதற்கு ஏற்றவாறு, இரவில் சீக்கிரம் உறங்க சென்று விட வேண்டும்.

சுயகட்டுபாடு: Self Control

சுயகட்டுபாடு என்பதும் மிகமிக முக்கியமானது ஆகும். சுயகட்டுபாடு இல்லாமல் இஷ்டத்துக்கு தூங்கி எழுவது, இஷ்டத்துக்கு அளவுக்கு அதிகமாக சாப்பிடுவது என மனம் போன போக்கில் இருக்கக்கூடாது. உங்களுடைய ஒவ்வொரு நொடியிலும், ஒவ்வொரு செயல்களிலும் சுயகட்டுபாடு இருக்க வேண்டும். எப்போதும் விழிப்பு நிலையில் இருக்க வேண்டும்.

வெட்டியாக நேரத்தை போக்குவது:

செல்போன் நோண்டுவதில் தொடங்கி, டிவி ரிமோட் மூலம் சேனலை மாற்றி மாற்றி பலர் பயனே இல்லாமல் பொழுதை கழிக்கின்றனர். இது போன்ற காரியங்கள், செயல்களால் அவர்களுக்கும் பயன்கிடைக்காது, மற்றவர்களுக்கும் பயன்கிடையாது. பொழுதுபோக்குவதற்கும், பொழுதை பயனுள்ளதாக கழிப்பதற்கும் நிறைய வித்தியாசங்கள் உண்டு. டிவியில் காமெடி நிகழ்ச்சிகள் பார்ப்பது என்றாலும், குறைந்தபட்சம் அதனை பார்ப்வர்காவது சிரித்து மகிழ்ந்து, மனஅமைதி பெறுவர். எனவே, உங்களுக்கான நேரம் மிகமிக மதிப்பு வாய்ந்ததாகும் அதனை பயனுள்ளதாக கழிக்க வேண்டும்.

காலம் தாழ்த்துதல்:

செய்கின்ற வேலையை இன்றே, இப்போதே செய்து முடிக்க வேண்டும். சோம்பலின் காரணமாகவோ, அல்லது பிற மதிப்பே இல்லாத காரணங்களுக்காகவோ, உங்களுடைய வேலையை தள்ளிப்போடதீர்கள். நாளைக்கு பார்த்துக் கொள்ளலாம் என்ற எண்ணம் வரவே கூடாது. இளையோர்களும், மாணவர்களும் அவதிக்கு உள்ளாவதற்கு முக்கிய காரணம் காலம் தாழ்த்துவது ஆகும். நீங்கள் ஒரு விஷயத்தை தள்ளி போட்டால், அதை தொடர்ந்து உங்களுக்கு வரவேண்டிய சலுகைகளும், லாபங்களும் தள்ளிப்போகும். எனவே, காலம் தாழ்த்தாமல் கடைமையை முடிக்க வேண்டும்.

இதையும் படிக்கலாமே

Self confidence tamil motivational quotes -Motivational quotes in Tamil